ՀՈՒԼԻՍ – ՕԳՈՍՏՈՍ

ՀՈՒԼԻՍ – ՕԳՈՍՏՈՍ

Հուլիսն ամռան ամենաքաղցր ամիսն է: Մենք դեռ կարող ենք լուսաբացը դիմավորել առավոտյան ժամը 3-ին, կամ էլ ընդհանրապես չքնել: Ավելին՝ ամենաքաղցր մրգերն ու հատապտուղները ճաշակել, ճամփորդել, պարել  ու զովանալ մեղմ քամուց, լողանալ ու արևահարվել: 

Իսկ օգոստոսը դեղնա-նարնջագույնի է: Մեղրի,  խնձորի մուրաբայի ու հասած խաղողի՝ կապտա- բորդո գույներից մինչև  զմրուխտե կանաչ…

Իսկ ինչ պետք է հասցնենք անել ամռան ընթացքում…

Հուլիս - օգոստոսի անելիքներ.

• Մեթոդական, առարկայական, ծրագրային աշխատանքներ, դասընթացի ծրագիրերի կազմում և մշակում, նոր ծրագրերի նախագծերի ստեղծում  (ֆիզիկա (ընտրության խումբ) - ծրագրի նախագծի ստեղծում):
• Հայրենագիտական-ստեղծագործական ընտանեկան ճամբար Արատեսում. մեղվաբուծության ուսումնասիրում, հայրենաճանաչություն, ընթերցանություն, աստղադիտակի փարձարկում:
• Հեռավար փաթեթի ստեղծում (հեռավար ուսուցմամբ սովորողների համար ուսումնական արձակուրդային շրջանի ընթերցարանների, աշխատանքային, ինքնակրթության փաթեթների ստեղծում):
• Ամառային բնագիտական ընթերցանության ցանկի ստեղծում:
• Ջոն Դոլթոն բնագիտական կայքի վարում (մասնավորապես՝ թարգմանություններ. Կարլո Ռովելլի Յոթ էտյուդ ֆիզիկայից գրքի թարգմանություն):
• Լաբորատորիայի թարմացում և վերազինում (անհրաժեշտ սարքավորումների ցանկ և դրանց ձեռքբերման ուղղված աշխատանքներ):
• Մասնակցություն մանկավարժության կենտրոնի կողմից կազմակերպած սեմինարներին:
• Հերթապահություն Միջին դպրոցում:
• Ենթակայքի, կայքի սպասարկում:
• Սովորողների հետ ամառային աշխատանքների քննարկում նամակագրական կապով:
•  Հանրակրթական առարկաներից ֆիզիկա առարկայի չափորոշիչի, օրինակելի ծրագրի քննարկում, մասնակցություն ԿԳՄՍ-ի կողմից կազմակերպած առցանց քննարկմանը zoom հարթակում, դիտարկումներ և Դասընթացի ծրագրին ներկայացվող պահանջներ:

• Մասնակցություն Մուտք ճամբարին (բնագիտական լաբորատորիաներում փորձերի անցկացում Միջին դպրոցի մուտքի ճամբարականների համար):

• Մասնակցություն մաթեմատիկական ֆլեշմոբի առաջադրանքներին հուլիս- օգոստոս: 

• Հանրահաշիվ, երկրաչափություն-7 (ծրագրի լրամշակում, աշխատանքն ընթացքի մեջ է):

• Ճամփորդության կազմակերպում օգոստոսին՝ «Աստղաթափ կամ աստղային ամառ» նախագիծ. (այց Վ. Համբարձումյնի անվ. Բյուրականի աստղադիտարան և ամռան գլխավոր աստղաթափի՝ Պերսեիդների ասուպային հոսքի,   դիտարկում: Երևույթը կրկնվում է ամեն տարի հուլիս - օգոստոս ամիսներին):

• այցի նպատակը՝   Սկսում ենք հետազոտել երկինքը. Գունեղ աստղաթափ Հայաստանի երկնքում (Վ. Համբարձումյանի անվան Բյուրականի աստղադիտարանում  2020թ օգոստոսին կարելի է ականատես դառնալ շատ գեղեցիկ երկնային երևույթի՝ Պերսեիդների ասուպային հոսքի): 

• Մասնակիցներ՝ Միջին դպրոցի սովորողներ և  բնագիտության դասավանդողներ: